Polşa Ukraynaya 2 milyard avroluq silah verib
![Polşa Ukraynaya 2 milyard avroluq silah verib](https://www.reytingaz.com/images/haberler/2023/03/polsa-ukraynaya-2-milyard-avroluq-silah-verib-1679773921.jpg)
Polşa Ukraynaya tədarük etdiyi 2 milyard avro dəyərində silahların sənədlərini Avropa Birliyinə təhvil verib.
Bunu “RMF” radiosuna müsahibəsində Polşanın Baş naziri Mateuş Moravetski deyib.
“Biz 2 milyardlıq hesabatları təhvil verdik. Bu, Polşa üçün çox yaxşı xəbərdir. Polşa büdcəsi üçün çox yaxşı xəbərdir. Bu pulla biz ən müasir silahları ala biləcəyik”, - o deyib.
Polşa Ukrayna Silahlı Qüvvələrinə “MiQ-29” təyyarələri, “T-72” tankları və 14 ədəd “Leopard 2” tankı, artilleriya mərmiləri və digər döyüş sursatları, daşına bilən hava hücumundan müdafiə sistemləri, pilotsuz uçuş aparatları verib.
Ölkə hakimiyyəti 2022-ci ildə Ukraynaya hərbi yardımın həcmini 2,2 milyard avro həcmində qiymətləndirib.
Videolar üçün YouTube kanalımız abunə olmağı unutmayın!
Şərh yazın
E-poçt hesabınız saytda dərc olunmayacaq. Tələb olunan bölmələr * ilə işarələnmişdir.